Prokuroria Speciale e Kosovës ka publikuar një raport lidhur me punën e saj gjatë 12 muajve të fundit, ku paraqet të dhëna statistikore në kuadër të luftës kundër krimit dhe korrupsionit.
Drejtuesja e PSK-së, Isabelle Arnal ka deklaruar se të dhënat tregojnë se kjo strukturë ka punuar, por ka nënvizuar se për të arritur më shumë rezultate për krimet e rënda nevojitet kohë.
“Jam plotësisht e vetëdijshme që duhet të bëhet edhe më shumë punë, por ky raport tregon përparimin e vërtetë që është duke u bërë. Statistikat flasin vetë. Po ashtu, duhet t’ua kujtoj të gjithëve që për të kryer hetime jashtëzakonisht të komplikuara dhe të vështira nevojitet kohë”, ka pohuar Arnal.
Si shembull të punës aktive të PSK-së, Arnal ka përmendur rastin e lumit Tisa, i cili ka të bëjë me trafikun e qënieve njerëzore, aktivitet kriminal që konsiderohet si krim i organizuar.
Top Channel
