Liderët e vendeve të Evropës juglindore, të mbledhur në Cetinje të Malit të Zi, janë shprehur njëzëri se hyrja e Kroacisë në BE hap dyert e Unionit edhe për vendet e tjera të Ballkanit.
Presidenti kroat, Ivo Josipovic ka deklaruar se Kroacia, e cila do të anëtarësohet në vitin 2013, do të lobojë vazhdimisht për afrimin e vendeve të tjera të rajonit me BE-në.
“Kroacia është partnere dhe mike e juaja dhe ju lutem të mbani mend se me hyrjen tonë në BE, ju do të keni një vend anëtar që nuk do të lodhet së lobuari për zgjerimin”, ka deklaruar Josipovic.
Ai ka premtuar se Kroacia do të punojë që t’u lehtësojë integrimin evropian vendeve të tjera. “Dinamika dhe shpejtësia varet nga ju, por është detyra jonë që t’i mbajmë dyert e hapura”, ka shtuar Josipovic.
Top Channel
