Ideja për një bllokim të mundshëm të importeve nga Serbia, si kundëpërgjigje ndaj vendimit të Beogradit për të mos importuar asnjë produkt kosovar, duket e vonuar nga biznesi.
Sipas tyre, këtë vakum do ta paguante sot konsumatori kosovar pasi Serbia ka bërë ulje të cmimeve për të kapur tregun kosovar, ku sot qarkullon mesatarisht 400 milionë euro në vit.
“Është vështirë të merret një vendim i tillë, kemi dhënë shpjegime përse. Por edhe nëse merret është një vendim i vështirë për t’u zbatuar për arsye se ne nuk kemi nën kontroll portat tona. Gjithashtu, lobi i tregtarëve serbë në Kosovë është më i fuqishëm se prodhuesit kosovarë”, ka deklaruar Agim Shahini, kryetar i Agjencisë Kosovare të Biznesit.
“Ato janë më shumë probleme mediale sesa konkrete. Disa biznese individuale në Shqipëri apo Kosovë nuk mund të merren si probleme shtetërore”, ka shtuar ai.
Top Channel
