Parlamenti grek ka miratuar planin e dytë të masave anti-krizë, i cili nevojitej për të siguruar mbështetjen e mëtejshme financiare të vendit.
Miratimi sjell në praktikë rritjen e taksave, shkurtimin e pagave dhe privatizime të aseteve publike.
“Greqia ka shpëtuar kështu vendin nga skenari i rëndë i “default”-it”, ka deklaruar Bashkimi Evropian pas votimit.
Reagimi i qytetarëve ndaj këtij plani ka qenë shumë i ashpër dhe debati në Parlament është shoqëruar me greva dhe protesta të dhunshme.
Pas disa orësh diskutime, deputetët filluan të votonin rreth orës 16:00 dhe pak më vonë kryeministri Papandreu arriti të siguronte votat e duhura për të kaluar paketën e masave.
Partia e Papandreut, Lëvizja Socialiste Panhelenike, ka një mazhorancë të lehtë parlamentare, që përbëhet nga 154 nga 300 deputetë.
Top Channel
