Rusi, vdes aktivistja e të drejtave të njeriut
19/06/2011 09:20
Ndodh për herë të parë dhe të fundit! Nesër përballen në debat kandidatët për nënpresident në SHBA 30/09 18:02
Aktivistja ruse e të drejtave të njeriut, Yelena Bonner ka ndërruar jetë në moshën 88 vjecare, pas një sëmundjeje të gjatë.
Ajo ishte martuar me shkencëtarin e lëndëve bërthamore, që më pas u kthye gjithashtu në aktivist, Andrei Sakharov, që fitoi cmimin Nobël për Paqen në vitin 1975.
Zonja Bonner u bë aktive në lëvizjet për të drejtat e njeriut në vitin 1960 dhe ishte një nga themelueset e Grupit të Helsinkit në Moskë.
Shumë shpejt ajo u bë një nga aktivistet lider në fushën e të drejtave të njeriut në Bashkimin Sovietik.
Kur bashkëshorti i saj u dërgua në ekzil të brendshëm për aktivizimin e tij, ishte zonja Bonner që u kujdes që shkrimet e tij të publikoheshin.
Edhe kur ai fitoi cmimin Nobël për Paqen në vitin 1975, ishte sërish bashkëshortja që mori cmimin në vend të tij.
Top Channel
