Parlamenti pakistanez ka bërë thirrje për një rishikim të marrëdhënieve me Shtetet e Bashkuara, pas sulmit amerikan që vrau Osama bin Laden.
Në një sesion të gjatë ku është diskutuar për operacionin ku mbeti i vrarë kreu i Al Kaedës, deputetët kanë kërkuar një hetim të pavarur.
Ata kanë miratuar unanimisht një rezolutë që vendos embargo ndaj kalimit tranzit të automjeteve të NATO-s, derisa SHBA të ndalin sulmet me avionë të telekomanduar.
Seanca parlamentare u zhvillua pas atentatit të dyfishtë të ditës së premte, ku mbetën të vrarë rreth 80 persona në veri-perëndim të Pakistanit.
Guerrilasit talebanë morën përsipër autorësinë, duke deklaruar se sulmi ishte një hakmarrje për vrasjen e Osama bin Laden.
Top Channel
