Bin Laden, Irani kritikon blicin e SHBA
07/05/2011 12:50
Irani ka dënuar operacionin përmes të cilit forcat speciale amerikane kanë vrarë Osama bin Laden në Pakistan.
“Është një shkelje e hapur e sovranitetit territorial të këtij vendi”, ka deklaruar ambasadori iranian në Islamabad, Mashalla Shakeri.
Deklaratën e tij, diplomati e ka bërë gjatë një takimi me liderin e opozitës në Parlamentin pakistanez, Choudhry Nisar Ali Khan.
“Shtetet e Bashkuara treguan anën negative të tyre duke kryer një sulm gjatë natës në një vend mik”, ka pohuar Shakeri.
Shërbimet sekrete amerikane nuk e informuan qeverinë e Pakistanit për operacionin e tyre në Abotabad, nga frika e rrjedhjes së informacioneve.
Top Channel