Kanada, Harper rizgjidhet kryeministër
03/05/2011 09:45
Analiza/ Shërbimet sekrete perëndimore akuzojnë Moskën për luftë hibride. Si funksionon ky fenomen? 29/11 09:29
Kryeministri Stephen Harper, nga radhët e Partisë Konservatore, ka fituar shumicën në zgjedhjet parlamentare të zhvilluara në Kanada.
Konservatorët kryesojnë në 167 nga 308 rrethet elektorale të vendit. Partia Demokratike e Re pritet të zërë vendin e dytë, e ndjekur nga Liberalët, bëjnë të ditur mediat kanadeze.
Nëse rezultatet konfirmohen, zoti Harper mund të udhëheqë një qeveri shumice për herë të parë. Kanadezët votuan ditën e hënë në zgjedhjet e katërta të përgjithshme të mbajtura brenda shtatë vjetëve.
Zoti Harper hyri në zgjedhje pasi kishte drejtuar dy qeveri ku konservatorët nuk kishin shumicën e plotë. Partia e tij fitoi 143 vende në Parlament, numër që më parë nuk e kishte dhe që kishte cuar në shpërbërjen e qeverisë së fundit.
Liberalët historikisht kanë qenë partia kryesore e opozitës, ndërsa konservatorët kanë mbajtur pushtetin, por me vendin e dytë duket se gjërat për PDR po ndryshojnë.
Top Channel
