Përgënjeshtrimi i Berluskonit
15/04/2011 16:50
Profesori në Florida gjen ‘prova’ se egjiptianët e lashtë përdornin pije haluçinogjene (fotot)
27/11 18:37
Gjatë një takimi me një grup të vogël gazetarësh të huaj të akredituar në Itali kryeministri italian Silvio Berlusconi deklaroi se është i gatshëm të mos hedhë kandidaturën për zgjedhjet e ardhshme, në program në vitin 2013.
Ai tha “nëse do të ketë nevojë për mua si babai shpirtëror, jam i gatshëm. Mund të jem kryetar liste në partinë time, por nuk dua një rol operativ”.
E ai përmendi Angelino Alfanon, ministri aktual i Drejtësisë si pasardhësin e tij të mundshëm.
Ndërsa si president të ardhshëm të Republikës tha se mund të jetë Gianni Letta, nënsekretari i Kryeministrisë.
Lajmi bëri xhiron e botës për pak orë, por më pas zëdhënësi i kryeministrit Paolo Bonaiuti deklaroi se “një gjë është një arsyetim që duhej futur në një kontekts, e tjetër gjë është marrja e atij arsyetimi si gjë absolutisht të sigurt”.
Nga Berlini ministri Alfano, i pyetur mbi këtë çështje tha se nuk ka marrë asnjë dorëzim stafete, se ajo e Berlusconit ka qenë thjesht diçka e thënë në një darkë, një vlerësim nga ana e kryeminisitrit për të.
Nuk është hera e parë që Berlusconi thotë se nuk do të rikandidojë. Por këtë herë vështirë se kuptohet nëse deklarata e tij ka qenë një vendim i marrë, apo thjesht një hipotezë e hedhur në një darkë jo zyrtare.
Top Channel
