Një atentator vetëvrasës ka sulmuar një xhami në Siberon të Indonezisë, duke vrarë veten dhe duke plagosur 28 persona të tjerë.
Shumica e të plagosurve janë oficerë policie, të cilët ndodheshin për arsye sigurie në xhami, ku po bëheshin lutjet e së premtes.
Bëhet fjalë për atentatin e parë vetëvrasës në dy vitet e fundit, por që vjen pas një seri kërcënimesh të bëra së fundmi me letra-bombë.
Dëshmitarë nga vendi i ngjarjes kanë deklaruar për mediat e huaja se atentatori ishte ulur mes besimtarëve kur papritur aktivizoi eksplozivin.
“Ai po lutej kur papritur erdhi shpërthimi. Ishte gjëja e fundit që pash”, ka treguar një dëshmitar i quajtur Anton për agjencinë e lajmeve “Detik”.
Edhe zëdhënësi i policisë indoneziane, Bachrul Alam ka deklaruar se për momentin dyshohet për një atentat vetëvrasës.
Top Channel
