Izraeli informoi sot se do të nisë një proces gjyqësor ndaj një inxhinjeri palestinez, i cili besohet se ka ndihmuar grupin militant të Hamasit që të zhvillojë raketat me të cilat godet territorin e shtetit hebre.
Dirar Abu Sisi u pengmorr prej shërbimeve sekrete të Izraelit, Mossad, ndërsa ishte në Ukrainë, ku po aplikonte për të fituar qytetarinë ukrainase.
Kryeministri Benjamin Netanyahu, duke mbrojtur arrestimin ilegal prej shërbimeve sekrete, e konsideroi Sisin si një njeri të rëndësishëm të Hamasit, ndërsa siguroi se: “Kemi fituar informacione të vlefshme prej tij”.
Familja e inxhinjerit është shprehur me revoltë, ndërsa ka mohuar çdo lidhje të të afërmit të saj me grupin militantist.
Sisi u paraqit sot në një gjykatë në qytetin e Bershevës, ku u njoh me akuzat kundër tij, të gjata 15 faqe. Midis të tjerave, ai akuzohet se është një antar aktiv i akademisë ushtarake, ku mëson taktika terroriste për rekturët e Hamasit.
Besohet se ka zhvilluar raketa dhe teknologji të tjera, që bëjnë që ai të jetë i përfshirë në vrasje të qytetarëve të pafajshëm, ndërsa thuhet se ai ka lidhje të ngushta me të shumëkërkuarit Ahmed Jabari dhe Muhammad Deif.
Sisi rrezikon dënimin me vdekje.
Top Channel
