UCK, tjetër protestë në Prishtinë
29/03/2011 18:20
Ministrja Gërvalla non grata në Shqipëri? Ja si përgjigjet ambasadori Petrit Malaj në Prishtinë 21/03 18:11
Veteranë të luftës së Kosovës, të rinj dhe qytetarë të shumtë kanë protestuar edhe sot në Prishtinë kundër arrestimeve të ish-luftëtarëve të UCK-së nga EULEX-i.
Protesta filloi para Fakultetit të Filologjisë dhe pjesëmarrësit marshuan drejt sheshit “Nënë Tereza”.
Me parullat e tyre ata kanë kërkuar lirimin e ish-luftëtarëve të UCK-së, si dhe largimin e misionit EULEX nga Kosova.
“Lironi clirimtarët”, “EULEX, merr plackat dhe ik”, “EULEX jashtë Kosovës” dhe “Lufta jonë është e shenjtë” kanë qenë disa prej parullave të përdorura.
Organizatorët e manifestimit kanë deklaruar se veprimet e misionit evropian po i kontribuojnë destabilitetit në Kosovë dhe rajon.
Ndërkohë, edhe ditën e djeshme ish-luftëtarë të UCK-së kanë vijuar me depozitimin e dëshmive të tyre në prokurorinë speciale të Kosovës.
Top Channel
