Libia, samiti i Parisit: Ok ndërhyrjes
19/03/2011 16:25
VIDEO/ Shpërthim në një pikë karburanti në Romë, 21 të plagosur 04/07 10:50
Samiti ndërkombëtar në Paris i ka dhënë dritën jeshile ndërhyrjes ushtarake kundër Muammar Gaddafi-t në Libi.
“Sulmi do të kryhet në orët e ardhshme. Megjithatë, Gaddafi është ende në kohë për të shmangur më të keqen, duke plotësuar pa u vonuar kërkesat e komunitetit ndërkombëtar”, ka deklaruar presidenti francez Nicolas Sarkozy.
Presidenti ka theksuar se dera e diplomacisë do të hapet sërish kur agresioni i kolonelit të ketë marrë fund dhe ka shtuar se vendosmëria e ndërkombëtarëve është e padiskutueshme.
Por nga ana e tij, Gaddafi ka paralajmëruar disa herë vendet e Perëndimit se, nëse ndërhyjnë ushtarakisht në vendin e tij, ai do t’u shkaktojë atyre ferrin.
Ndërkohë, avionë të shumtë ushtarakë francez të tipit “Rafael” po fluturojnë mbi Bengazi dhe në gjithë territorin libik, në kuadër të një misioni mbikëqyrës.
Top Channel
