Pacolli: Besoj tek pastërtia e UCK-së
17/03/2011 20:40
Presidenti i KE-së viziton Kosovën, një ditë më parë “sfidoi” me ndalesën në Serbi…
14/05 15:36
Edhe presidenti i Kosovës, Behgjet Pacolli i është bashkuar shqetësimit të ngritur nga faktori politik pas arrestimit të 9 ish-luftëtarëve të UCK-së.
Pacolli ka shprehur besimin e tij tek pastërtia e luftës së UCK-së, e cila sipas tij ndaloi agresionin e egër me synime asgjesimi dhe genocidi të Serbisë.
“Lufta e UCK-së ka qenë dhe mbetet një nga faqet më të ndritura të historisë sonë. Ne besojmë se akuzat e ngritura ndaj ish-luftëtarëve do cilësohen si të pabaza dhe se do të provohet pafajësia e tyre”, ka deklaruar Pacolli.
Më tej, presidenti i Kosovës ka shprehur gjithashtu bindjen se institucionet e drejtësisë, si ato kosovare ashtu dhe ato ndërkombëtare, do ta kryejnë punën e tyre pa ndikime nga jashtë.
Top Channel
