Itali, Senati 162 vota pro qeverisë
14/12/2010 11:45
BE-ja sanksionon financuesit e Hamasit, ngrinë asetet e disa kompanive 28/06 21:24
Senati italian ka miratuar me 162 vota pro besimin ndaj qeverisë së kryeministrit Silvio Berlusconi.
Lajmin e bëjnë të ditur mediat italiane, sipas të cilave kundër votuan 135 senatorë, ndërsa të tjerë 11 abstenuan.
Nga këta të fundit 10 i përkasin grupit FLI, të cilët kanë vepruar ashtu sic kishte paralajmëruar në sallë kryetari i tyre, Pasquale Viespoli.
Abstenimi i njëmbëdhjetë mban firmën e ish-senatorit të Popullit të Lirisë, Enrico Musso, i cili së fundmi ka kaluar në radhët e grupit të përbërë.
Votimi është kryer në një moment kur Roma ka qenë tërësisht e blinduar nga forcat e policisë, të cilat kanë rrethuar qendrën historike rreth Parlamentit.
Në rrugët e kryeqytetit italian janë verifikuar manifestime të shumta kundër qeverisë, të udhëhequra nga studentët, përfaqësues të qendrave sociale, etj.
Top Channel
