Irani dhe fuqitë e mëdha botërore kanë nisur në Gjenevë të Zvicrës bisedimet lidhur me programin bërthamor të Teheranit.
Këto janë bisedimet e para të këtij niveli që zhvillohen pas më shumë se një viti, edhe pse analistët shprehen skeptikë mbi përfundimin e tyre.
Ditën e diel, Irani deklaroi se kishte shpërndarë brenda vendit sasinë e parë të uraniumit të pasuruar dhe se shkonte drejt bisedimeve “i fortë dhe i fuqishëm”.
Por fuqitë perëndimore druhen se Irani mund të përpiqet që të ndërtojë armë bërthamore, edhe pse thotë se programi i tij ka vetëm qëllime paqësore.
Zyrtari përgjegjës për cështjet bërthamore, Ali Akbar Salehi deklaroi për një televizion lokal se bisedimet zhvillohen për përfitimin e vendeve të tjera dhe jo të Iranit.
Top Channel
