Policia në tre vende të BE ka arrestuar 10 ekstremistë islamike lidhur me një komplot terrorist për të sulmuar Belgjikën.
Lajmin e kanë bërë të ditur prokurorët belgë, sipas të cilëve arrestimet u kryen në Belgjikë, Holandë dhe Gjermani, pas një hetimi 1-vjecar të kryer në Antuerp.
Sipas hetuesve, grupi ndërkombëtar xhihadist po planifikonte një sulm ndaj një objektivi të pacaktuar në Belgjikë.
Hetimet zbuluan gjithashtu mbështetjen financiare që grupi në fjalë i bënte një grupi militantësh cecenë.
10 të dyshuarit u arrestuan sot në një seri operacionesh që u kryen në të njëjtën kohë, ka deklaruar një zëdhënës i prokurorisë belge.
Ndërkohë, televizionet lokale treguan pamjet e policëve të armatosur deri në dhëmbë që kryenin operacionin në Antuerp, duke arrestuar dy persona.
Top Channel
