Gaza, raketë sovietike drejt Izraelit
19/11/2010 14:15
Von der Leyen reagon pas telefonatës së Trumpit me Putinin: Falënderoj presidentin amerikan për përpjekjet 19/05 22:57
Një raketë me rreze të gjatë veprimi është qëlluar nga Gaza drejt Izraelit. Lajmin e ka bërë të ditur ushtria izraelite. Raketa ra pranë qytetit të Ofakimit, për fat të mirë pa shkaktuar viktima.
Sulmi me një raketë të tipit “Grad” ështe i pari i këtij lloji që kryhet pas shumë muajsh.
Ushtarakët izraelitë kanë deklaruar gjithashtu se një tjetër raketë, e tipit “Kasam” dhe katër mortaja u qëlluan nga Gaza ditën e djeshme.
Ndërkohë, një sulm i forcave ajrore izraelite i kryer të mërkurën vrau dy anëtarë të Ushtrisë së Islamit, një grup militantësh palestinezë.
Raketa e tipit “Grad”, e cila ka një projektim sovietik, ka një rreze veprimi prej 40 kilometrash, pothuajse dyfishi i distancës që mund të përshkojnë raketat “Kasam”, që përdoren kryesisht nga militantët palestinezë në Gaza.
Top Channel
