Afganistan, SHBA nxjerrin tanket në fushë
19/11/2010 11:55
Shtetet e Bashkuara do të vendosin tanke në Afganistan, për herë të parë që kur filloi lufta nëntë vjet më parë.
Lajmin e bën të ditur gazeta prestigjoze amerikane “Washington Post”, e cila citon burime pranë Departamentit të Mbrojtjes.
Sipas gazetës, vendosja e tankeve në juglindje të vendit u autorizua muajin e kaluar nga Pentagoni.
Tanket do t’u mundësojnë trupave të vendosura në fushë që të godasin talebanët nga një distancë më e madhe dhe me më shumë efikasitet se mjetet e tjera.
Lufta në Afganistan ka marrë përmasa të frikshme dhe vetë krerët e trupave ndërkombëtare që veprojnë atje shprehen skeptikë për arritjen e paqes.
Top Channel