Itali, sekuestrohet 1 ton kokainë e pastër
15/11/2010 18:05
Rusia në komunikim me SHBA për Ballkanin, REL: DASH hesht nëse po diskutohet edhe për Kosovën 25/01 19:22
Policia italiane ka deklaruar se ka sekuestruar një ton kokainë të pastër, të fshehur brenda katër traktorëve që kishin mbërritur me anije nga Brazili.
Sipas policisë, ngarkesa, e cila në rrugë do kapte vlerën e 250 milionë eurove, ishte më e madhja e sekuestruara në 15 vitet e fundit.
Sipas burimeve, zbulimi i lëndës narkotike u bë përmes një bashkëpunimi me njësinë policore britanike, SOCA.
Policia mendon se droga kishte si destinacion vendet e Evropës veriore dhe qëndrore, përfshirë këtu vetë Italinë.
Salvatore Cagnazzo, komandanti që drejtoi hetimin, ka deklaruar për agjencinë e lajmeve “AFP” se kokaina u zbulua brenda traktorëve që ndodheshin në një konteiner që kishte zbarkuar në portin Xhoia Tauro, në jug të Italisë.
“Kur makinat agrikulturore kaluan përmes skanerave, atëherë u zbulua dhe sasia e kokainës, e futur brenda tubave metalikë”, ka deklaruar Cagnazzo, duke shtuar se deri tani s’ka pasur asnjë arrestim.
Përgatiti: Genc Frashëri
Top Channel
