Maradona: Kirchner si Che Guevara
29/10/2010 02:10
Maradona e ka krahasuar ish-presidentin Nestor Kirchner, i cili u nda nga jeta ditën e mërkurë, me “Che Guevara”, idhullin e ish-trajnerit të kombëtares argjentinase.
“Ishte një gladiator që luftonte për idealet e tij. Kishte shumë ngjashmëri me Che Guevarën, idhullin tim”, tha Maradona në fjalimin e tij përkujtimor për nder të presidentit Kirchner.
“Vdekja e tij na ka tronditur të gjithëve. Pak kohë më parë pata një takim me të dhe mu duk mirë dhe i qetë”, deklaroi Maradona para mediave vendase pas përfundimit të ceremonisë së përcjelljes për në banesën e fundit të ish-presidentit Kirchner.
Top Channel