Punonjësja humanitare Linda Norgrove mund të jetë vrarë aksidentalisht nga forcat speciale amerikane gjatë operacionit të shpëtimit të saj.
Deklarata është bërë nga kryeministri britanik David Cameron, i cili ka premtuar se së shpejti do të publikohen detaje të reja që sugjerojnë se Norgrove u vra nga një granadë e forcave amerikane.
Trupat ndërkombëtare deklaruan të premten se 36 vjecarja nga skocia humbi jetën kur një nga pengmarrësit e saj aktivizoi një jelek me eksploziv.
Por Cameron ka deklaruar se të dhënat i ka marrë gjatë një bisede telefonike me gjeneralin David Petraeus, komandant i trupave të koalicionit ndërkombëtar në Afganistan.
“Gjenerali më tha se forcat amerikane janë të pikëlluara për rezultatin e operacionit dhe se atij i vjen keq që lajmet e publikuara në media nuk kanë qenë korrekte”, ka shtuar Cameron.
Top Channel
