Arinj ‘flutures’ në Amerikë! Një ekzemplar ariu kaf bie nga pema drejt e në rrjetën e ekipit shpëtues.
Momenti është kapur në një foto që dokumenton rënien e ariut në Missoula, në Montana. Bëhet fjalë për një këlysh 30 kilogramësh që ishte ngjitur në një pemë në qytet dhe nuk arrinte të zbriste më prej andej.
Arushi i ishte afruar qendrës së banuar në kërkim të ushqimit, skenë kjo që ndodh shpesh në ato anë. Pasi kishte hipur në pemë nuk po dinte të zbriste më e kjo situatë detyroi autoritetet që të ndërmerrnin një operacion të vogël duke e vënë në gjumë kafshën e trembur.
Disa minuta më vonë arushi përfundoi në rrjetën e shpëtimit dhe me t’u zgjuar u dërgua sërish në pyll.
Top Channel
