Për herë të parë në SHBA do të nisin të testohen qelizat staminale për eficencën e tyre në embrionet njerëzore.
Pas shumë viteve pritje, Geron Corp ka marrë dritën jeshile të qeverisë për të testuar këtë metodë tek njerëzit pjesërisht të paralizuar. Kërkuesit e shoqërisë kaliforniane do injektojnë staminale tek pacientët me dëme të pjeshme por edhe tek ata që kanë pësuar fraktura të mëdha në shtyllën kurrizore.
Thomas B. Okarma, presidenti i shoqërisë Geron ka deklaruar në “Washington Post” se është shumë optimist për këtë projekt. “Nëse kemi të drejtë do revolucionarizojmë terapitë e shumë sëmundjeve kronike”, shprehet ai.
Por nga ana tjetër, ka edhe nga ata që nuk kanë të njëjtin optimizëm edhe pse shpresojnë në realizimin e projektit. “Kemi nevojë të mësojmë dëshpërimisht se si sillen këto qeliza tek njerëzit“, shprehet John Gearhart, një pioner i staminaleve nga University of Pennsylvania. Ai nuk fsheh as mundësinë e rreziqeve të mëdha. “Po injektojmë qeliza që do kthehen në tumore? Do qëndrojnë aty ku do t’i vendosim dhe do bëjnë atë që duam? Këtë do na i tregojë vetëm koha”, përfundon Gearhart.
Top Channel
