Maqedoni, kujtohet Nënë Tereza
26/08/2010 21:25
Vuçiç ndalohet nga BE të shkojë në Moskë, avioni i presidentit serb ulet me emergjencë në Azerbajxhan 07/05 20:57
Për nder të 100 vjetorit të lindjes së Nënë Terezës parlamenti maqedonas ka mbajtur një seancë përkujtimore.
Kryeparlamentari i saj Trajko Veljanovski gjatë fjalës së tij përmendi origjinën shqiptare të Gonxhe Bojaxhiut, duke u bërë kështu zyrtari i parë maqedonas i cili pas një kohë të gjatë përmend publikisht origjinën e vërtetë të humanistes.
Ky veprim i tij mund t’i japë fund përpjekjeve të autorëve dhe historianëve maqedonas për të tjetërsuar prejardhjen e Gonxhe Bojaxhiut.
“Vetëm 100 metra prej këtu në lagjen e dikurshme të vëllehëve ka ekzistuar shtëpia e familjes shqiptare Bojaxhiu në të cilën para 100 vjetëve lindi Gonxhe Bojaxhiu”, është shprehur Veljanovski.
Ndërkohë disa organizata jo qeveritare në Maqedoni kanë zhvilluar aktivitete të tjera.
Top Channel
