Pentagoni ka kërkuar që Wikileaks të heqë një pjesë të dokumenteve sekrete mbi Afganistanin nga ueb sajti i saj dhe të anulojë planet për të publikuar dokumente të mëtejshme mbi të.
Por zëdhënësi i Pentagonit është shprehur i vetëdijshëm se dokumentat e publikuara deri më sot janë përhapur në të gjithë botën duke e bërë të pamundur heqjen e tyre.
“Ne po u kërkojmë atyre që të bëjnë gjënë e duhur”, ka deklaruar Geoff Morrell, të cilin Wikileaks e ka cilësuar si “të neveritshëm”.
Dokumentat ushtarake të publikuara muajin e kaluar tregojnë me detaje vdekjet e civilëve, ngjarjet që kanë të bëjnë me “zjarrin aleat” dhe incidente të tjera.
Ato tregojnë gjithashtu dyshimet se shërbimet sekrete pakistaneze kanë mbështetur talebanët në luftën kundër koalicionit ndërkombëtar.
Top Channel
