Petersen: Kosova të përmirësojë imazhin
26/07/2010 14:45
Një person i vdekur, 19 raste të reja me HIV gjatë këtij viti në Kosovë 12/08 21:17
Ish-shefi i UNMIK-ut Soren Jessen Petersen ka deklaruar se pas vendimit të GJND-së, Kosova duhet të përqendrohet tek përmirësimi i imazhit të saj.
Ish-kryeadministratori u ka bërë thirrje autoriteteve kosovare që t’i tregojnë botës se Kosova i meriton njohjet e reja dhe investimet e huaja.
“Unë mendoj se tani është në duart e udhëheqësve dhe institucioneve të Kosovës që të zgjidhin pengesat që qëndrojnë në rrugën e njohjeve të mëtejshme dhe në atë të investimeve të huaja”, ka pohuar Petersen.
Ai ka theksuar se vendimi i Gjykatës Ndërkombëtare ka larguar të gjitha paqartësitë mbi pavarësinë e shtetit të ri.
Petersen i ka sugjeruar Serbisë që të heqë dorë nga pengimi i integrimit të Kosovës dhe e ka cilësuar si “të kotë” tentativën e saj për një rezolutë të re në OKB.
Top Channel
