Pakistan, arrestohet gjuetari i Bin Laden
15/06/2010 13:00
Kina krijon “bletë robotike” për spiunazh 11/07 22:45
Një shtetas amerikan, që deklaron se kishte si mision gjetjen dhe vrasjen e kryeterroristit Osama bin Laden, është arrestuar në veri të Pakistanit.
52 vjecari Gary Brooks Faulkner, nga Kalifornia, u ndalua në malet e rajonit të Citralit, në veri të Peshauarit.
Ai ishte i pajisur me një pistoletë, një kamë dhe një shpatë, si dhe mbante me vete libra të letërsisë kristiane.
Policia deklaroi se Faulkner u ndalua pranë kufirit me Afganistanin, konkretisht në provincën e Nuristanit, e njohur ndryshe si bastion i talebanëve.
Sipas burimit, 52 vjecari u tha hetuesve gjatë marrjes në pyetje se ai ishte në mision për të vrarë kreun e Al Kaedës.
“Ne fillimisht qeshëm kur ai na tha këtë, por më pas patëm dyshime pasi i sekuestruam pistoletën, shpatën dhe një pajisje me rreze infra të kuqe”, ka deklaruar një zëdhënës i policisë.
Top Channel
