Sekretarja e Shtetit Hillari Klinton ka paralajmëruar masa të ashpra kundrejt të gjithë atyre shteteve të cilat shkelin Traktatin Ndërkombëtar të mospasurimi të uraniumit.
Në fjalën e saj mbajtur gjatë punimeve të konferencës së Organizatës së Kombeve të Bashkuara në Nju Jork, kryediplomatja amerikane, Klinton tha se mosrespektimi i rregullave dhe detyrimeve ndërkombëtare të përcaktuara në Traktatin e Mospasurimit të uraniumit do “t’i kushtojë shtrenjtë kujtdo shteti”.
Deklarata e Klinton i drejtohej tërthorazi Iranit, presidenti të cilit lëshoi deklarata të ashpra kundrejt SHBA-së në fjalën që mbajti gjatë punimeve të OKB-së. Fjalimi i Ahmadinexhad solli reagimin e delegacioneve të Europës perëndimore si dhe të atij amerikan, që në shenjë proteste braktisën sallën.
Top Channel
