Tajlandë, manifestuesit zaptojnë spitalin
30/04/2010 13:00
Putin: Rusia do të përmbushë të gjitha objektivat e vendosura në Ukrainë, e vërteta është në anën tonë 30/09 11:32
Spitali i madh publik në Bangkok është pushtuar mbrëmjen e djeshme nga qindra protestues të cilët kërkonin forcat e sigurisë që ndodheshin brenda tij.
Për pasojë, ndërtesa është boshatisur pjesërisht dhe aktivitetet janë ndërprerë, me përjashtim të rasteve urgjente.
Tentativa e drejtorit të spitalit për të negociuar më “këmishët e kuqe” ka rezultuar e kotë.
Manifestuesit, të cilët kërkojnë dorëheqjen e kryeministrit Abhisit Vajajiva, më pas janë kthyer në kampin e tyre pa gjetur policë e ushtare dhe mengjesin e sotëm kanë hequr barrikadat për të lejuar hyrjen e automjeteve në spital.
Në një fjalim televiziv, kryeministri ka dënuar veprimet e fundit të protestuesve, që kanë paralizuar shumë lagje të kryeqytetit, duke paralajmëruar se qeveria nuk do të lejojë aksione që përbëjnë një kërcënim për publikun.
Top Channel
