Talebanët rishfaqen në luginën e Suotit
29/04/2010 17:20
Guerrilasit talebanë kanë rifilluar të vrasin liderët lokalë në luginën problematike të Suotit, në Pakistan.
Ushtria pakistaneze e kishte shpallur luginën e Suotit të cliruar nga militantët pasi kreu një operacion të gjerë kundër tyre në vitin 2009.
Por një zëdhënës i ushtrisë pakistaneze ka deklaruar se tre persona kanë mbetur të vrarë në sulmet e rebelëve në 10 ditët e fundit.
Ndërsa mediat lokale shkruajnë se personat e vrarë në 15 ditët e fundit janë shtatë. Militantët ishin shumë aktivë në kontrollin e rajonit që nga viti 2007.
Në 2009-ën ata filluan ta zgjeronin pushtetin e tyre përtej kufirit veri-perëndimor të provincës, duke nxitur kështu ushtrinë që të niste një ofensivë.
Top Channel