KFOR dorëzon kufirin shqiptar
29/04/2010 09:15
Mbishkrimi “Kosova është Serbi”/ Të arrestuarit në Kosovë pjesëtarë të ushtrisë së Malit të Zi 27/11 18:31
Në një ceremoni në Gjakovë, ashtu siç ishte paralajmëruar, KFOR-i i dorëzoi policisë kosovare kompetencat për vijën e gjelbër të kufirit në jugperëndim me Shqipërinë.
Në këtë ceremoni, koloneli Vincenzo Grasso, përmendi arritjet e mëdha në fushën e sigurisë.
Ai shprehu bindjen se policia e Kosoves do ta ruajë kufirin e vendit dhe do të parandalojë krimet ndërkufitare duke përfshirë kontrabandën e llojeve të ndryshme dhe kalimet ilegale.
Edhe nënkoloneli i policisë Faton Alija falënderoi KFOR-in për angazhimet dhe u zotua se policia kufitare krahas vazhdimit të bashkëpunimit të mirëfilltë me KFOR-in dhe segmente të tjera të sigurisë në vend dhe në rajon, do të angazhohet për parandalimin, zbulimin dhe hetimin e krimit ndërkufitar, përfshirë trafikimin – kontrabandën e qenieve njerëzore, armëve, narkotikëve, automjeteve të vjedhura dhe formave te tjera të kontrabandës.
Top Channel
