Kriza, grekët kundër ndërhyrjes së FMN-së
27/04/2010 09:35
Mbetet besimi i grekëve tek qeveria Papandreu, por shumica e popullsisë helene është kundër ndërhyrjes së Fondit Monetar Ndërkombëtar.
Kështu thotë një sondazh i transmetuar nga rrjeti televiziv grek “Mega”, i pari pas aktivizimit të mekanizmit mbështetës nga FMN dhe BE.
Sipas sondazhit, 70 përqind e të intervistuarve janë të mendimit se përfshirja e FMN-së është dicka negative për Greqinë.
Po ashtu, 60 përqind e të anketuarve janë shprehur kundër vendimit të ekzekutivit socialist për të aktivizuar ndihmat e ndërkombëtarëve.
Gjithësesi, besimi tek qeveria Papandreu mbetet i lartë, në kuotën 50 përqind, ndërsa partia PASOK gëzon një avantazh të lehtë me 9 përqind ndaj partisë kryesore të opozitës.
Top Channel