Presidenti i rrëzuar i Kirgizstanit, Kurmanbek Bakiyev ndodhet në Bjellorusi.
Lajmin e ka bërë të ditur presidenti i këtij vendi, Alexander Lukashenko, i cili u ka dhënë fund zërave të pakonfirmuara mbi vendndodhjen e zotit Bakiyev, që u rrëzua nga pushteti nga një protestë e dhunshme nga fillimi i muajit.
Bakiyev fluturoi drejt Kazakistanit më 15 prill, por të hënën zyrtarë nga ky vend thanë se ish-presidenti ishte larguar.
Liderët e qeverisë së përkohshme në Kirgizstan kanë deklaruar se ai duhet të dalë në gjyq dhe të japë llogari për vdekjen e 80 personave gjatë protestave.
Presidenti Lukashenko ka deklaruar se Bakiyev ndodhet në Minsk bashkë me katër anëtarë të familjes së tij.
Top Channel
