Irak, vritet një tjetër lider i Al Kaedës
20/04/2010 17:30
Rusia sulm masiv ndaj infrastrukturës energjetike në Ukrainë/ Miliona njerëz pa energji elektrike 28/11 18:37
Autoritetet irakene kanë njoftuar se trupat amerikane në bashkëpunim me ato vendase kanë vrarë një tjetër lider të degës së Al Kaedës në Irak.
“Ahmed al Obeidi mbeti i vrarë në një operacion në provincën veriore të Ninevehut”, ka deklaruar zëdhënësi i ushtrisë irakene, gjeneral-major Qassim al Moussawi.
Sipas tij, Al Obeidi, i njohur ndryshe me emrit Abu Suhaib, ishte në krye të degës operative të Al Kaedës në provincat e Kirkukut, Salahudinit dhe Ninevehut.
Lajmi për vrasjen e tij është publikuar një ditë pasi qeveria irakene njoftoi se dy liderë të tjerë të organizatës terroriste ishin vrarë ditën e diel.
Top Channel
