Eurocontrol njofton se gjatë ditës së sotme, 60 përqind e linjave ajrore do të kryejnë fluturimet e parashikuara.
Sipas zëvendësdrejtorit të Organizmit Europian, shumë avionë kanë fluturuar në zonën e quajtur ‘të verdhë’ ku qarkullimi vijon pa probleme.
Ndërkohë përsa i takon zhvillimeve të fundit nga jugu i Islandës, ekspertët e kanë të pamundur të parashikojnë se si do të jetë ecuria e vullkanit.
Nuk dihet ende se kur do të jetë qetësimi i tij, ndërkohë që kollona e tymit duket qartë edhe pse disi e reduktuar.
Ky fenomen natyror, që ka ndodhur javën e kaluar në jug të Islandës, ka gjunjëzuar prej gjashtë ditësh Aviacionin Civil Europian. Ndërkohë ekspertë të NATO-s thonë se hiri vullkanik është shumë i rrezikshëm për avionet, pasi kjo masë kur has temperatura të larta kthehet në kristale qelqi.
Top Channel
