
Zyra Civile Nderkombetare dhe Qeveria e Kosoves po hartojne nje strategji per veriun e Kosoves, e cila parashikon veprimet qe duhet bere gjate ketij viti per vendosjen e autoritetit ne veri, shuarjen e strukturave paralele e respektimin e ligjeve te Republikes se Kosoves.
Sipas Telegraf, shefi i kesaj zyre, Peter Feith, tha se strategjia synon te zbatohet ne nje plan afatshkurter dhe afatmesem dhe se ka te beje me vendosjen e nje kornize te vetme ligjore ne tere vendin.
“Strategjia eshte bazuar ne faktin se Zyra Civile Nderkombetare nuk i njeh strukturat paralele, por vetem institucionet e Republikes se Kosoves. Ndersa, sa i perket sundimit te ligjit, ne do te punojme ne baze te nje kornize te vetme ligjore, qe mbulon tere territorin e Kosoves.Keto jane dy parimet baze te çdo strategjie per veriun”, tha Feith, pas nje takimi qe zhvilloi, te enjten me kryeministrin Hashim Thaçi.
Top Channel