Armatimi, pak gjasa per paktin SHBA-Rusi

19/12/2009 13:35

E perditshmja ruse “Kommersant” shkruan ne numrin e sotem te saj se ka pak gjasa qe Rusia dhe Shtetet e Bashkuara te arrijne nje marreveshje te re per reduktimin e armeve berthamore para shkurtit.

Sipas gazetes, dy vendet nuk kane arritur te respektojne daten e 5 dhjetorit, kur perfundonte afati i traktatit “Start”, i nenshkruar ne vitin 1991, per ta zevendesuar ate me nje tjeter.

Presidenti amerikan dhe ai rus nuk arriten as te finalizonin marreveshjen diten e djeshme, kur u takuan ne Kopenhagen ne kuader te samitit te OKB-se mbi klimen, edhe pse Obama tha se ishin shume prane arritjes se ketij objektivi.

“Bisedimet pritet te rifillojne ne janar, por marreveshja duket e paarritshme para shkurtit”, shkruan gazeta, e cila citon nje burim qe ka qene i pranishem ne bisedimet e djeshme.

“Duhet nje dokument i ri, vec atij “Start 1”. Ndryshimi kryesor mes tyre eshte se do te mbaje barazi absolute per te gjitha ceshtjet. Por kjo kerkon kohe”, ka deklaruar burimi.

Top Channel