Zgjedhjet ne Kosove, procesi pa incidente

Ne keto zgjedhje u thirren ne votimet lokale 1 milion e 450 mije zgjedhes, por pjesemarrja, rreth 40 perqind nuk ishte ne shifra mbreselenese.

Kjo mund te thuhet jo vetem per serbet, por edhe per shqiptaret, qe pavaresisht levizjejeve te emrave ne lista, u treguan, pergjithesisht indiferente per te ushtruar te drejten e tyre ne liri dhe ne pavaresi.

Pjesemarrja jo e larte mund te shpjegohet me faktin e arritjeve te pakta perkundrejt pritshmerise se larte te kosovareve nga klasa politike.

Persa i perket serbeve te Kosoves, ceshtja eshte  me e thjeshte politikisht. Megjithese “Plani Ahtisari” per decentralizimin u ka dhene shansin per drejtimin e 6 komunave me shumice votuesish serbe, ata kercenohen nga Beogradi per izolim edhe prej shtetit te tyre te dikurshem.

Kjo eshte edhe arsyeja qe ata kane penguar hapjen e vendvotimeve, kryesisht ne veri te Kosoves, megjithe perpjekjet e KQZ-se per te cuar atje qendrat e levizshme te votimit.

Ne te gjithe Kosoven vendvotimet e pahapura nuk shkojne me shume se 1.5 perqind.

Ndersa ne komunikimin e fundit perpara mbylljes se votimeve, kryetarja e KQZ-se duke konfirmuar se ankesave do t’u jepet me vone pergjigje, tha se procesi ka shkuar pergjithesisht sipas kerkesave te ligjit.

“Nuk kemi informacion per parregullsi ne votime”, ka deklaruar Kryetarja e KQZ-se, Nesrin Lushta

Pavaresisht nga mospjesemarrja e larte ne zgjedhje e votuesve kosovare, nje apel i rendesishem ky per klasen politike, ana tjeter e medaljes se zgjedhjeve, kete here pozitive, eshte siguria dhe qetesia, ne te cilat ato u zhvilluan.

Tensionet kane munguar thuajse ne te gjithe Kosoven, pervec rasteve sporadike, te cilat jane denuar nga partite politike. Ndersa pergjegjesit per sigurine e Kosoves i konsiderojne ato jorelevante per procesin.

“Deri ne kete faze nuk kemi informacione per ndonje incident dhe procesi eshte duke shkuar mire”, deklaroi nga policia e Kosoves, Shpend Maxhuni

Kreret e partive, megjithese kane lajmeruar gjate dites per incidente apo parregullsi, kane thene se ato nuk ndikojne ne proces dhe nuk kane inkurajuar konfrontime mes mbeshtetesve, edhe per faktin se cv-ja e tyre politike ne vleresimin e nderkombetareve varet nga menyra e reagimit ne keto zgjedhje.

Megjithese ne disa komuna priten balotazhe, e rendesishme per kosovaret eshte qe zgjedhjet, nese klasifikohen si te lira dhe te ndershme, te pranohen si te tilla nga vete lideret politike dhe pastaj bashkesia nderkombetare do te thote fjalen e saj.     

Top Channel