Siguria e zgjedhjeve ne Kosove

Eshte hera e pare qe policia e Kosoves merr persiper sigurine e zgjedhjeve pa ndihmen e nderkombetareve.

Te pakten 5 mije oficere dhe nenoficere te policise se Kosoves jane angazhuar per sigurine e procesit te zgjedhjeve lokale.

Drejtori i drejtorise per planifikim dhe zhvillim, majori Granit Fetahu ne nje interviste per Top Channel tha se ndarja e policise neper qendrat e votimit do te behet sipas nje informacioni te marre ne terren ku jane vleresuar pikat me te nxehta, por qe nuk behen publike.

“Policia e Kosoves ka kryer vleresimet e sigurise ne menyre te vazhdueshme. Angazhimi i forcave policore do te jete ne baze te ketyre vleresimeve dhe per secilen qender eshte bere nje vleresim paraprak”, deklaroi Fetahu.

Cdo qender votimi ne Kosove do te kete per ruajtjen dhe sigurine e tyre dy deri ne tre police.

Por sipas burimeve jozyrtare te drejtorise se pergjithshme te policise se Kosoves thuhet se ne enklavat serbe do te kete nje perqendrim me te madh policor.

Forcat e sigurise qendrojne prane qendrave te votimit dhe nderhyjne ne to, sipas major Fetahut, vetem ne nje rast konflikti.

Ai ka hedhur poshte disa dyshime te ngritura nga disa subjekte politike ne Kosove, per sigurine e bazes zgjedhore.

“Materiali sensitiv sigurohet nga policia e Kosoves qe nga momenti i hyrjes se tij ne vendin tone. Ne asnje rast ky material nuk mund te leviz pa mbikeqyrjen e policise. Te gjitha qendrat e zgjedhjeve do te sigurohen nga policia”, eshte shprehur Fetahu.

Top Channel