Dell: Kosova te forcoje institucionet

Ne nje interviste per nje media lokale, Dell ka vleresuar se Kosova ka regjistruar progrese ne nje vit pavaresi, por ka nenvizuar se ka ende shume objektiva per te arritur.

“Kur flas per forcimin e institucioneve nuk e kam fjalen vetem per qeverine, por edhe per forcimin e shoqerise civile, forcimin e rolit te partive politike dhe mediave. Keto te fundit jane permiresuar dukshem, por ka vend per progres te metejshem”, ka pohuar Dell.

Diplomati amerikan ka theksuar se nje tjeter fushe delikate ku duhet te perqendrohen institucionet e Kosoves eshte rendi dhe ligji.

“Rendi dhe ligji eshte aspekti qe kerkon me shume perpjekje nga te gjithe ne, si nga Kosova ashtu edhe nga komuniteti nderkombetar per te kenaqur kerkesat ne rritje te qytetareve per drejtesi”, ka nenvizuar Dell.

Ndersa lidhur me situaten ne veri te Kosoves, ambasadori ka shprehur bindjen e tij se situata atje do te normalizohet duke pare shtrirjen graduale te shtetit.

Top Channel