Ne nje interviste dhene per “Top Story”, ne Top Channel nje nder lideret me me influence ne popullsine serbe te Kosoves, Oliver Ivanovic ka shpjeguar sipas tij pse nuk do te marrin serbet e Kosoves pjese ne zgjedhjet lokale te 15 nentorit.
“Momenti kur jane shpallur zgjedhjet lokale ka qene mjaft i ndjeshem per te gjithe qytetaret serbe, pavaresisht se ku jetojne ne veri apo ne jug. Vendimi i qeverise se Serbise ka qene mjaft i qarte per ata qe kane dashur ta kuptojne. Nuk ka mundesi te marrim pjese ne keto zgjedhje per shume arsye, arsyeja e pare eshte qe pavaresia nuk pranohet prej Serbise dhe ne zgjedhjet lokale qe u organizuan ne 2008, dhe me tutje me institucionet qe organizon dhe perkrah Serbia dhe sot nuk ka kurrfare mundesie apo mendimi qe te mos perkrahim institucionet tona dhe te perkrahim ato institucione qe do te dalin ne zgjedhjet e 15 nentorit”, nisi fjalen e tij Ivanovic.
Me tej Oliver Ivanovic tha se serbet presin vendimin e Hages ne lidhje me pavaresine e Kosoves dhe se axhenda e Serbise synon rrugen e perbashket europiane.
“Ne po presim vendimin e Gjykates Nderkombetare te Drejtesise ne Hage, e cila ka per e marre vendimin e saj diku nga viti i ardhshem, deri ne ate kohe axhenda jone nuk e harron Kosoven kurre, por eshte puna qe duhet te ecim drejt integrimit ne Europe. Ne nuk kemi incidente te medha kohet e fundit dhe kjo nuk ka dyshim dhe ne e pranojme por ne nuk e konsiderojme stabilitet kete sepse stabiliteti politik varet shume mes raportetve te shqiptareve dhe serbeve dhe keto raporte nuk ekzistojne. Perfaqesuesit serbe ne institucionet ne parlamentin apo qeverine e Kosoves nuk mund te quhen te tille me 1000 vota”, u shpreh Ivanovic.
Top Channel
