Prozhektoret e politikes italiane jane te perqendruar mbi Gjykaten Kushtetuese dhe mbi vendimin e saj nese ligji i ashtuquajtur “Lodo Alfano” eshte apo jo ne perputhje me Kushtetuten.
Ligji ka te beje vetem me kater persona ne Itali, Presidentin e Republikes, kryeministrin dhe kryetaret e dhomes se deputeve dhe te Senatit dhe parashikon qe ata te kene imunitet ndersa jane ne post.
Seanca u zhvillua pa pranine e gazetareve dhe moren pjese 15 anetaret e trupit gjykues te cilet do te diskutojne gjate mbi kete ceshtje. Kunder ketij ligji, i aprovuar vitin e kaluar, jane paraqitur dy ankesa nga Prokuroria e Milanos dhe nje ajo e Romes. Te gjitha akuzojne per korrupsion kryeministrin Sivlio Berlusconi.
“Ligji eshte njelloj per te gjithe, por nuk eshte gjithnje njelloj per te gjithe zbatimi i tij”, tha Niccolo Ghedini, njeri nder tre avokatet mbrojtes te kryeministrit Silvio Berlusconi. Ne rast se ligji konsiderohet antikushtetues, kryetari i qeverise italiane mund te kete probleme serioze me drejtesine. Ndersa po qe se nuk parashikohen ndryshime te ligjit, opozita ben te ditur se do te organizoje nje referendum per ta hedhur poshte ate.
Top Channel
