Zgjedhjet serbe ne Kosove?
11/08/2009 08:30
“Nuk jemi as grekë, as bullgarë e as serbë”/ Kryeministri maqedonas vizitë në Pustec: Vij këtu si vëlla 27/07 20:29
Perderisa, Serbia ka bere pergatitjet per mbajtjen e zgjedhjeve ne tri lokalitete serbe ne Kosove: Gracanice, Gorazhdec dhe veri te Mitrovices te cilat pritet te mbahen me 16 gusht.
Institucionet e Kosoves, nga ana tjeter ende nuk kane nje qendrim te qarte, nese do te lejojne apo ndalojne mbajtjen e tyre.
“Qeveria tashme eshte deklaruar sa i perket kesaj ceshtjeje, ne Kosove, zgjedhjet e vetme legale jane ato qe i shpall presidenti i Kosoves, ndersa shakate dhe pseudo – spektaklet, qe tenton t’i beje dikush tjeter jane te dhimbshme dhe qesharake ne fakt, por qe institucionet e Kosoves do te perballen me to sipas kompetencave qe kane”, eshte shprehur zedhenesi i qeverise se Kosoves, Memli Krasniqi.
Me gjithe insistimin e gazetareve, Krasniqi nuk u pergjigj nese qeveria do te urdheroje policine qe te parandaloje mbajtjen e zgjedhjeve serbe ne Kosove.
“Besoj qe pergjigjja ishte mjaft e qarte. Institucionet e Kosoves kane kompetenca dhe pergjegjesi ne tere territorin e Kosoves dhe ne kete drejtim, ne i shfrytezojme kompetencat rreth interesave te vendit”, tha Krasniqi. Nderkohe, policia e Kosoves nuk ka marre ndonje vendim per parandalim te mbajtjes se zgjedhjeve serbe.
Por, behet e ditur se policia e Kosoves nuk do te ofroje siguri per qytetaret serbe diten e zgjedhjeve. Perndryshe, qeveria e Serbise ka vendosur qe me 16 gusht te mbaje zgjedhje te jashtezakonshme lokale per tri komuna te Kosoves: ne Gracanice te Prishtines, Gorazhdec te Pejes dhe ne Mitrovice, ne pajtim me ligjin perkates te Serbise. Ndryshe, sipas Kushtetutes se Kosoves dhe ligjeve ne fuqi, te vetmet zgjedhje legale qe parashihen jane zgjedhjet qe thirren nga presidenti i Kosoves.
Top Channel
