Edhe Partia Demokratike e Kosoves mbeshtet kerkesen e partive opozitare per vendosjen e kamerave ne vendvotimet e zgjedhjeve lokale te 15 nentorit.
Nje dite pasi partneri ne koalicion, LDK doli me qendrimin per domosdoshmerine e kamerave ne vendvotime, zedhenesi i PDK-se Blerand Stavileci deklaroi nepermjet telefonit se PDK mbeshtet dhe perkrah te gjitha nismat dhe projektet qe i kontribuojne mbarevajtjes se procesit zgjedhor, rrjedhimisht edhe vendosjen e kamerave, nese KQZ e merr nje vendim te tille.
Komisioni Qendror i Zgjedhjeve ne Kosove ka filluar shqyrtimin e kerkeses se partive opozitare per monitorimin e procesit te votimit nepermjet kamerave.
Vendimi per shqyrtimin e kerkeses nga ana e KQZ-se eshte mirepritur nga partia reformiste ORA.
“Ky vendim merret si rrjedhoje e kerkeses se partive opozitare, prandaj ne e pershendesim”, ka deklaruar nenkryetari i ORA-s, Besnik Krajku.
Nga ana tjeter, Keshilli per Buxhet i Sekretariatit te KQZ-se se shpejti pritet te dale me propozim dhe analize konkrete ne lidhje me koston e buxhetit per vendosjen e kamerave ne 3000 vendvotime, sa pritet te hapen per zgjedhjet lokale te 15 nentorit.
Pas shqyrtimit te ketij propozimi, KQZ del me vendimin perfundimtar dhe koston e buxhetit, e cila do t’i dergohet qeverise per miratim.
Top Channel
