Kinë, zëra për grusht shteti

31/03/2012 08:00

Policia kineze ka arrestuar gjashtë persona dhe ka mbyllur 16 faqe interneti pas qarkullimit të zërave se automjetet e ushtrisë kishin dalë në rrugët e Pekinit.

Faqet e internetit u morën si bazë nga mediat nëpër botë dhe disa kritikë të politikës së Pekinit sugjeruan se në vend mund të ishte duke u organizuar një grusht shteti.

Zyra Shtetërore për Informacionin përmes Internetit, ZSHII, deklaroi se zërat e rremë patën një influencë negative tek publiku. Dy mirkoblogje popullore kanë ndaluar postimin e komenteve për përdoruesit e tyre.

Sina Weibo dhe Tencent Weibo deklaruan se funksioni i komenteve do të jetë offline mes 31 marsit dhe 3 prillit, në mënyrë që të pengohet përhapja e informacioneve të rreme.

Një zëdhënës i ZSHII deklaroi më herët për agjencinë shtetërore kineze “Xinhua” se dy faqet e internetit janë kritikuar dhe ndëshkuar. Ai shtoi se një numër personash janë paralajmëruar nga autoritetet dhe kanë marrë udhëzime të caktuara.

Postimi i mesazheve në internet vjen në një moment thelbësor për regjimin qeverisës në Kinë, që është goditur nga skandali më i madh në vite kur një nga figurat kryesore të saj, Bo Xilai u shkarkua nga detyra.

Top Channel