Shtetet e Bashkuara të Amerikës kërkojnë që të ripërdoren asetet e konfiskuara nga krimi. Një gjë e tillë është diskutuar mes një paneli ekspertësh nga Ministria e Brendshme me pjesëmarrjen e ambasadores amerikane, Yuri Kim. Diplomatja Amerikane ka rikonfirmuar edhe njëherë mbështetjen e Shteteve të Bashkuara të Amerikës për Shqipërinë në këtë fushë teksa paralajmëron se puna e mirë s’ka mbaruar dhe se institucionet s’mund të qëndrojnë të qeta me sukseset e mëparshme.