Xhaxhai i vrasësit që i mori jetën gjyqtarit Astrit Kalaja, i rikërkoi Gjykatës së Apelit që t’i heqë masën e ‘arrestit në burg’ dhe ta zëvendësojë me një masë tjetër, por kjo u rrëzua.
Vrau në sallën e gjyqit gjyqtarin/ Apeli rrëzoi kërkesën e Gjon Shkambit, lihet në burg
Sipas gazetares së Top Channel, Anila Hoxha, vendimi për rrëzimin e kërkesës dhe lënien në burg, u mor nga gjyqtari Gent Shala.
Gjon Shkambi i dyshuar si nxitës dhe se kishte dijeni për planet e Elvis Shkëmbit, të riut që vrau në sallën e gjykatës gjyqtarin Kalaja thotë se nuk kishte asnjë dijeni për planet e nipit.
Si argument për zëvendësimin e masës, Gjon Shkambi paraqiti dy kartela mjekësore, të bashkëshortes që sipas mbrojtjes është në gjendje të rëndë dhe të tijën.
Menjëherë mbas arrestimit i dyshuari ishte lënë në arrest në burg, por Shkambi iu shmang rekursit në gjykatën e lartë duke ju drejtuar Apelit, mbas tre radhëve që u refuzua për ndryshim mase si të pabazuar në ligj dhe prova.
Top Channel
