Lara Colturi e mbylli garimin në zbritjen e parë në Slalomin gjigand në ndalesën e katërt të Kupës së Botës në Skitë Alpine në Copper Mountain, në vendin e 7.
Skiatorja kuqezi e përshkoi pistën amerikane në këtë zbritje me kohën 1 minutë e 14 të qintat e sekondës, një kohë e njëjtë me kanadezen Valerie Grenier e renditur në vendin e gjashtë. Ndërkohë kjo zbritje u fitua nga neozelandezja Alice Robinson me 59 sekonda e 3 të qintat e ndjekur në vendin e dytë nga suedezja Sara hector në vendin e dytë dhe austriakja Julia Scheib.
Ajo që ra në sy është se Lara Colturi në këtë zbritje la shumë prapa atë që konsiderohet mbretëresha e skive alpine Mikaela Shiffrin që u rendit në vendin e 19, po kështu shumë prapa Colturit tonë u pozicionuan edhe emra të tillë si Ljutic, Moltzan apo edhe Sofia Goggia me legjendën italiane të skive që nuk shkoi më shumë se vendi i 24 në këtë zbritje.
Zbritja e dytë e Slalomit Gjigand në Copper Mountain do të zhvillohet në orën 21:30
Top Channel
