Nga Meloni tek Trump dhe Xi Jinping, ish-kryeministri italian analizon situatën politike në botë: Mamdani nuk është model i besueshëm. Trump? Po shkakton… 14/11 11:42
Rusia nisi të premten në mëngjes sulme ajrore në shkallë të gjerë ndaj kryeqytetit ukrainas. Në të gjithë qytetin janë dëmtuar ndërtesa banimi. Të paktën katër persona u vranë dhe shumë të tjerë u plagosën.
Kryeqyteti i Ukrainës, Kiev, ishte objektiv sulmesh të fuqishme ajroreruse në orët e para të mëngjesit të ditës së sotme. Presidenti i Ukrainës, Volodymyr Zelenski, tha se prej godijeve vdiqën katër vetë dhe u plagosën disa të tjerë.
Dëmtime ndërtesash pati “pothuajse në çdo lagje”.
Kryebashkiaku i Kievit, Vitaly Klitshko, tha se njësitë e mbrojtjes ajrore ishin përpjekur për të zmbrapsur “sulmin masiv të armikut”, por megjithatë “pjesë të rrjetit të ngrohjes u dëmtuan”. Ai paralajmëroi se mund të ndërpritet edhe furnizimi me energji elektrike dhe ujë.
“Rusët po godasin ndërtesa banimi”, tha Tymur Tkashenko, drejtues i administratës ushtarake të qytetit. “Në të gjithë Kievin ka shumë ndërtesa shumëkatëshe të dëmtuara, pothuajse në çdo lagje.”
Guvernatori i rajonit të Kievit tha se edhe jashtë kryeqytetit prej sulmeve me dronë dhe raketa u plagos një person dhe u shkaktuan zjarre në disa vende. Një burrë 55-vjeçar në qytetin Bila Tserkva pësoi djegie dhe u shtrua në spital.
Forcat ajrore të Ukrainës njoftuan se Rusia po sulmon me dronë dhe bomba të telekomanuara edhe disa rajone të tjera të vendit. /dw
Top Channel
